გიგა ბოკერია შეწყალებაზე - ასეთი პრეზიდენტი საერთოდ არ უნდა გვყოლოდა,  ეს არის პასუხისმგებლობა ივანიშვილის და ყველა იმ ვაჟბატონის, ვინც ახლა შეწუხებულს თამაშობს

ეს არ არის შეცდომა, ეს არის არჩევანი. ჩვენ ვიმკით ივანიშვილის და "ქართული ოცნების" უტიფარი ძალადობის შედეგებს ამომრჩეველზე,- ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ პრეზიდენტის მიერ მკვლელობისთვის მსჯავრდებულთა შეწყალების შესახებ განაცხადა.

მისი თქმით, საქმეზე უნდა დაიწყოს გამოძიება და თუ გამოიკვეთება დანაშაულის ნიშნები, დაიწყოს იმპიჩმენტის პროცედურა.

„ასეთი პრეზიდენტი საერთოდ არ უნდა გვყოლოდა, ეს არის ივანიშვილის და ყველა იმ ვაჟბატონის, ვინც ახლა შეწუხებულს თამაშობს, პასუხისმგებლობა. ჩვენ ვიმკით შედეგებს ივანიშვილის და "ქართული ოცნების" უტიფარი ძალადობის ქართველ ამომრჩეველზე, ამიტომ ვისურვებდი ის გადადგეს. რაც შეეხება იმპიჩმენტს, მას სჭირდება დანაშაულის ნიშნები, მხოლოდ პოლიტიკური უსინდისობა საკმარისი არ არის. პროკურატურის ვალია გამოიძიოს, არ გვაქვს ოპტიმიზმის საფუძველი. თუ პროკურატურა ამას არ გააკეთებს კონკრეტულ ვადაში, დავაყანებთ საკითხს კომისიის შექმნაზე",- განაცხადა ბოკერიამ.

ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ქართული პრესის მიმოხილვა 14.10.2019
ზაზა ფირალიშვილი - არჩევნებამდე ერთი წლით ადრე შიდა პოლიტიკაში ვითარება რთულია ხელისუფლებისათვის და არანაკლებად რთულია ოპოზიციისათვის