ფოთის საკრებულო100-მდე დაუმთავრებელი შენობა-ნაგებობების მეპატრონეების  მიმართ კონკრეტული ნაბიჯების გადადგმას გეგმავს

ქალაქ ფოთის მუნიციპალიტეტის საკრებულოში დაუმთავრებელი შენობა-ნაგებობების მოწესრიგებასთან დაკავშირებით შექმნილი დროებითი სამუშაო ჯგუფი, წლების განმავლობაში მიტოვებული შენობების მეპატრონეების მიმართ ადმინისტრაციული ზომების გატარებას გეგმავს, - ამის შესახებ „ინტერპრესნიუსს“ ფოთის საკრებულოდან აცნობეს. მათივე ინფორმაციით, ქალაქში კერძო საკუთრებაში არსებული უსახური ნაგებობებისა და მიტოვებული ტერიტორიების რიცხვი ასამდე აღწევს. მათი უმეტესობა ქალაქის ცენტრშია განლაგებული და კულტურული მემკვიდრეობის სტატუსს ატარებს.

“იურიდიული და კერძო პირების მისამართით გაგზავნილ წერილებზე რეაგირება მხოლოდ 9 წერილზე მოხდა. რეაგირების გარეშე დარჩენილი წერილები ხელმეორედ იქნება გაგზავნილი. იმ შემთხვევაში, თუ ისევ პასუხს ვერ მივიღებთ, მივმართავთ შესაბამის სტრუქტურებს ადმინისტრაციული ზომების მისაღებად“, - აღნიშნა დროებითი სამუშაო ჯგუფის ხელმძღვანელმა, საკრებულოს ქონების მართვისა და ბუნებრივი რესურსების საკითხების კომისიის თავმჯდომარემ თორნიკე შონიამ.

ნათია თურნავა - ყველა წინაპირობაა, რომ 2021 წელი წარმატებული წელი იყოს
ქართული პრესის მიმოხილვა 22.05.2020
ზაალ ანჯაფარიძე - საკონსტიტუციო პროცესის ბოიკოტირება ოპოზიციას პოლიტიკურად დააზიანებს და გააძლიერებს განცდას, რომ ისინი არჩევნებისთვის კი არა, არაკონსტიტუციური ქმედებისთვის ემზადებიან
რატომ არ უნდა დავუბრუნდეთ ძველ “ნორმალურ” ცხოვრებას
Wolt - კვლავ ღამის 3 საათამდე