გიორგი ტუღუში ნინო ლომჯარიას - თქვენი აზრით, პასუხობდა თუ არა რაიმე სტანდარტს 20 ივნისის საქმეზე დაკავებულების სასამართლო სხდომები?

საერთოდ რაიმე სტანდარტს თუ პასუხობდა ის სასამართლო სხდომები, სადაც 20 ივნისის საქმეზე დაკავებული მოქალაქეების მიმართ ადმინისტრაციული სანქციები იქნა გამოყენებული?, - ამ კითხვით „ევროპული საქართველოს“ წევრმა გიორგი ტუღუშმა სახალხო დამცველს პარლამენტის პლენარულ სხდომაზე მიმართა, სადაც ის ყოველწლიურ ანგარიშს წარადგენს.

„მინდა შევეხო 20 ივნისის ღამეს დაკავებულ პირებს და ადმინისტრაციულ საქმეებს, რომლებიც წარმოებდა რამდენიმე ათეული ადამიანის მიმართ. როგორ აფასებთ იმ სასამართლო სხდომებს, სადაც 20 ივნისის საქმეზე დაკავებული მოქალაქეების მიმართ ადმინისტრაციული სანქციები იქნა გამოყენებული. თქვენი შეფასებით, საერთოდ რაიმე სტანდარტს თუ პასუხობდა ის სასამართლო სხდომები, რომელიც გაიმართა და ელვისებური სისწრაფით მოხდა რამდენიმე ათეული ადამიანისთვის სხვადასხვა სანქციების მიყენება სასამართლოს მხრიდან,“ - მიმართა ტუღუშმა ლომჯარიას.

ოპოზიციონერმა დეპუტატმა სახალხო დამცველს ტელეკომპანია „რუსთავი 2“ - ის გარშემო განვითარებული მოვლენების შესახებაც ჰკითხა. ტუღუში ნინო ლომჯარიასგან დაინტერესდა მისი მოსაზრებით, ამ საქმეზე სამართლებრივი დავა წამოწყებული იყო თუ არა იმისთვის, რომ შეცვლილიყო ტელეკომპანიის სარედაქციო პოლიტიკა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს