ნათია თურნავა - ვიმედოვნებთ, რომ წარმატებით დავასრულებთ მოლაპარაკებებს საქართველოსა და აშშ-ს შორის პირდაპირი საჰაერო მიმოსვლის შესახებ

ეს იქნება ძალიან ძლიერი პოლიტიკური მხარდაჭერის მესიჯი, თუკი ჩვენ ბიზნესებსა და ხალხებს შორის იქნება პირდაპირი საჰაერო მიმოსვლა, რომელსაც ამერიკული კომპანია მოემსახურება, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის სხდომის დასრულების შემდეგ ჟურნალისტებს განუცხადა.

მინისტრმა აშშ-ში ვიზიტი და ორ ავიაკომპანიასთან გამართული მოლაპარაკებები შეაჯამა.

"ჩვენი ვიზიტი იყო ამერიკის შეერთებულ შტატებში, სადაც დავიწყეთ მოლაპარაკება ორ წამყვან ავიაკომპანიასთან, ეს არის "დელტა "და "იუნაითეთ ლაინი", საქართველოსა და აშშ-ს შორის პირდაპირი საჰაერო მიმოსვლის შესახებ. ვიზიტი იყო საკმაოდ წარმატებული. ძალიან დეტალური ინფორმაცია მივაწოდეთ ორივე კომპანიის მენეჯმენტს საქართველოს შესახებ, ასევე, ვფიქრობთ დავარწმუნეთ, რომ ამ მიმართულებით ფრენების დაწყება არის საინტერესო მათთვის და მიმზიდველი, რომ არაფერი ვთქვათ იმაზე, რომ ჩვენთვის აშშ-ი არის მთავარი სტრატეგიული პარტნიორი და ეს იქნება ძალიან ძლიერი პოლიტიკური მხარდაჭერის მესიჯი თუკი ჩვენ ბიზნესებსა და ხალხებს შორის იქნება პირდაპირი საჰაერო მიმოსვლა, რომელსაც ამერიკული კომპანია მოემსახურება. რასაკვირველია, ეს არის კომპლექსური პროცესი, რომელიც მრავალ კომპონენტს და ეტაპს მოიცავს. მთავარი დიალოგი დაიწყო და ჩვენ ვართ განწყობილი იმედიანად და პოზიტიურად, რომ მოლაპარაკებებს დავასრულებთ წარმატებით", - განაცხადა ნათია თურნავამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს