აშშ-ის ძალების მიერ დრონით განხორციელებულ იერიშს ავღანეთში სულ მცირე 30 ადამიანის სიცოცხლე ემსხვერპლა. დაშავებულთა რაოდენობა კი 40-ს აღემატება, - ამის შესახებ „როიტერსი“ იუწყება.
სააგენტოს ინფორმაციით, გარდაცვლილები და დაშავებულები კედრის კაკლის ფერმის მუშები არიან.
შემთხვევა ნანგარანის პროვინციაში მოხდა. ამერიკული ძალების სამიზნე დაჯგუფება „ისლამური სახელმწიფოს“ ობიექტი იყო, თუმცა იერიშის შედეგად მუშები დაშავდნენ. გამოცემა „ინდეფენდენთის“ ინფორმაციით, თავდასხმა მაშინ მოხდა, როცა სამუშაოს დამთავრების შემდეგ მუშებს მინდორში ცეცხლი ენთოთ და მის გარშემო ისხდნენ.
არ არის გამორიცხული, რომ მსხვერპლის რაოდენობა გაიზარდოს, ვინაიდან ფერმის მეპატრონე ჰეიდარ ხანი აცხადებს, რომ რამდენიმე ადამიანი დაკარგულია.
გაეროს მონაცემებით, 2009 წლიდან დღემდე ავღანეთში დაღუპულია 16, 000 და დაშავებულია 30,000 მშვიდობიანი მოქალაქე.
ავღანეთში ამ დროისთვის 14,000 ამერიკელი სამხედრო მოსამსახურე იმყოფება.