ქართველი სამხედროების ხსოვნის პატივსაცემად მარათონი გაიმართა

საქართველოს თავდაცვის ძალების IV მექანიზებული ბრიგადის 41-ე ბატალიონის ინიციატივით, რუსთავში ტერიტორიული მთლიანობისთვის ბრძოლებსა და საერთაშორისო მისიებში დაღუპული ქართველი სამხედროების ხსოვნის პატივსაცემად მარათონი გაიმართა.

თავდაცვის სამინისტროს ინფორმაციით, გარბენში მონაწილეობა 41-ე ბატალიონის, სპეციალური ოპერაციების ძალების, V საარტილერიო ბრიგადის, საბრძოლო საინჟინრო ბატალიონის და სერჟანტთა მომზადების აკადემიის სამხედრო მოსამსახურეებმა მიიღეს.

ექვსკილომეტრიან გარბენში 200-ზე მეტი სამხედრო იყო ჩართული. მარათონში გამარჯვებული სამხედროები IV მექანიზებული ბრიგადის მეთაურმა, პოლკოვნიკმა ვეფხვია ჩალაბაშვილმა, 41-ე ბატალიონის მეთაურმა, ვიცე-პოლკოვნიკმა მუხრან ჯაფარიძემ და ქალაქ რუსთავის მერმა ირაკლი ტაბაღუამ მედლებით და საჩუქრებით დააჯილდოვეს.

დაღუპული გმირების ხსოვნის პატივსაცემად მარათონი მესამედ გაიმართა.

იხილეთ ვიდეო:

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება