ერაყში, მიკროავტობუსში მომხდარი აფეთქების შედეგად 12 მშვიდობიანი მოქალაქე დაიღუპა, 5 კი - დაშავდა, - ამის შესახებ ინფორმაციას Associated Press-ი ერაყის უსაფრთხოების სამსახურზე დაყრდნობით ავრცელებს.
გამოცემის ინფორმაციით, აფეთქება ქალაქ კარბალას სამხრეთით მოხდა. ჩანთა, რომელშიც ასაფეთქებელი მოწყობილობა იდო, მგზავრმა დატოვა, რომელიც მიკროავტობუსიდან შემთხვევამდე ცოტა ხნით ადრე ჩავიდა.
აღსანიშნავია, რომ ეს ერაყში მშვიდობიანი მოქალაქეების წინააღმდეგ განხორციელებული ერთ-ერთი უდიდესი თავდასხმაა 2017 წლის შემდეგ, ანუ იმ დროიდან, როცა ისლამისტური დაჯგუფება ქვეყანაში დამარცხებულად ოფიციალურად გამოცხადდა.