ძლიერმა ქარმა რუსთავში გარკვეული პრობლემები შექმნა. დაზიანებულია ელექტროსადენები, სახლის სახურავები და მოგლიჯილია ხეები.

რუსთაველის ქუჩაზე ქარისგან მოტეხილმა ხემ გზის სავალი ნაწილი ჩახერგა. უსაფრთხოების მიზნით, დროებით დაიკეტა რუსთავის კულტურისა და დასვენების ცენტრალური პარკი. ძლიერი ქარის გამო, ხვალისთვის გადაიდო ეთნოფესტივალი, რომელიც რუსთავქალაქობის ფარგლებში პარკში უნდა გამართულიყო.