რუსთავში ძლიერმა ქარმა 15 სახლის სახურავი დააზიანა, 10-ზე მეტ ქუჩაზე მრავაწლოვანი ხეები წააქცია, დაზიანებულია ელექტრო და გარე განათების სადენები, დაზიანებულია მსუბუქი ავტომანქანები.

ადგილებზე მობილიზებული არიან ,,რუსთავსერვის ცენტრისა" და საგანგებო სიტუაციების მართვის სამსახურის თანამშრომლები. მიმდინარეობს ქარისგან წაქცეული ხეებისგან გზის სავალი ნაწილების გათავისუფლება და ქარისგან დაზიანებული სადენების აღდგენა.

სინოპტიკოსების ინფორმაციით, ძლიერი ქარი დილამდე შენარჩუნდება.