რუსთავში  „ეკონომიკური ფორუმი-2019“ გაიმართა

რუსთავში, „ეკონომიკური ფორუმი-2019“ გაიმართა. როგორც „ინტერპრესნიუსს“ რუსთავის მერიის პრესსამსახურიდან აცნობეს, ეკონომიკური ფორუმი, ტრადიციულად, ყოველი წლის შემოდგომაზე ,,რუსთავქალაქობის“ ღონისძიებების ფარგლებში ტარდება. ფორუმის ორგანიზატორი, ქალაქ რუსთავის მუნიციპალიტეტის მერიაა.

რუსთავის ეკონომიკურ ფორუმში მონაწილეობა ქალაქში ოფიციალური ვიზიტით მყოფი ექვსი ქვეყნის - პოლონეთის, უკრაინის, ლიეტუვას, ლატვიის, თურქეთისა და ბელარუსის 9 ქალაქის- პლოცკის, პანევეჟისის, ივანო-ფრანკივსკის, ჩერკასის, ხმელნიცკის, დაუგავპილსის, აიდინის, ინეგოლის, ჟოდინოს ხელმძღვანელმა პირებმა, ბიზნეს-სექტორის წარმომადგენლებთან ერთად მიიღეს. ფორუმს საქართველოს პარლამენტში რუსთავის მაჟორიტარი დეპუტატი პაატა მხეიძე, ქალაქის საკრებულოს თავმჯდომარე ლევან ონიანი, ადგილობრივი ხელისუფლების, რუსთავში მოქმედი მსხვილი საწარმოებისა და კერძო-სექტორის წარმომადგენლებიც ესწრებოდნენ.

რუსთავის ისტორიული მუზეუმის საგამოფენო სივრცეში, ქალაქში მოქმედი საწარმოების პროდუქცია და ხელნაკეთი ნივთები იყო წარმოდგენილი, სპეციალურ სტენდებზე კი განთავსებული იყო ინფორმაცია წარმოება-დაწესებულებების შესახებ.

ეკონომიკური ფორუმი რუსთავის მერმა ირაკლი ტაბაღუამ და ქვემო ქართლში სახელმწიფო რწმუნებულმა შოთა რეხვიაშვილმა გახსნეს. ქალაქისა და მხარის პირველმა პირებმა უცხოელ სტუმრებს, ადგილობრივი ბიზნესის შესაძლებლობები და პერსპექტივები, პრეზენტაციების სახით წარუდგინეს. ფორუმის მონაწილეების წინაშე პრეზენტაციებით წარსდგნენ რუსთავში მოქმედი საწარმოების ხელმძღვანელი პირები და უცხოელი სტუმრები.

როგორც რუსთავის მერმა ირაკლი ტაბაღუამ განაცხადა, „ეკონომიკური ფორუმი-2019“ ტრადიციულად „რუსთავქალაქობის“ ფარგლებში მოეწყო. ფორუმი მიზნად ისახავს, ქალაქის ეკონომიკური პოტენციალის წარმოჩენას, ბიზნესმენებს შორის ურთიერთობების დამყარების ხელშეწყობას და ახალი უცხოური ინვესტიციების მოზიდვას.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა