გია ვოლსკი - ვერ დაადანაშაულებ სააკაშვილს, რომ ეს საზღვარი მან დაადგინა, მაგრამ მიანიშნა იმ ტერიტორიაზე, რომლის ფლობაც ოკუპანტს შეუძლია

ვერ დაადანაშაულებ სააკაშვილს, რომ ეს საზღვარი მან დაადგინა და განსაზღვრა, მაგრამ რეალობაში მიუჩინა, მიანიშნა იმ ტერიტორიაზე, რომლის ფლობაც ოკუპანტს შეუძლია,-ამის შესახებ საპარლამენტო უმრავლესობის ლიდერმა გიორგი ვოლკსიმ ჟურნალისტებთან ჩორჩანას მიმდებარედ განვითარებული მოვლენების შეფასებისას განაცხადა.

გიორგი ვოლსკის თქმით, ე.წ საზღვარი წინა ხელისუფლების პერიოდში მიხეილ სააკაშვილის ბრძანებულებით არის განსაზღვრული და ოკუპანტები აღნიშნულით ხელმძღვანელობენ.

„ეს არის თემა, რომელზეც შეიძლება ვედაოთ საქართველოს ხელისუფლებას. ეს არის თემა, რომელიც მთელი მსოფლიოს დღის წესრიგშია. რასთან მიმართებაში გადმოსწიეს, სადმე იცოდით, არსებობს საზღვარი სადმე? საზღვარი არის განსაზღვრული 2007 წლის სააკაშვილის ბრძანებულებით, რომელიც იმეორებს სამხრეთ ოსეთის ავტონომიური ოლქის საბჭოთა პერიოდის ადმინისტრაციულ საზღვარს. ჯიპიარესებით დარბიან ახლა და ამ საზღვარს მიყვებიან. რასაკვირველია, ვერ დაადანაშაულებ სააკაშვილს, რომ ეს საზღვარი მან დაადგინა და განსაზღვრა, მაგრამ რეალობაში მიუჩინა, მიანიშნა იმ ტერიტორიაზე, რომლის ფლობაც ოკუპანტს შეუძლია“,-განაცხადა გიორგი ვოლსკიმ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს