მაინტერესებს კობა კობალაძის ხმა, რომლის მეგობრები, თანამებრძოლები მოსამართლე თამარ ალანიამ პოლიტიკური ნიშნით, თავის დროზე ციხეში გაუშვა,- ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ ჟურნალისტებს განუცხადა.
როგორც ანა დოლიძემ აღნიშნა, თამარ ალანიას კანდიდატურასთან დაკავშირებით მისთვის განსაკუთრებით მნიშვნელოვანია "ქართული ოცნების" იმ დეპუტატების ხმა, რომლებიც სამართლიანობის აღდგენის მოტივით მოხვდნენ საქართველოს პარლამენტში.
"მაინტერესებს კობა კობალაძის ხმა, რომლის ძმაკაცები, მეგობრები, თანამებრძოლები პოლიტიკური ნიშნით თამარ ალანიამ თავის დროზე ციხეში გაუშვა. ძალიან მაინტრესებს ამ ადამიანების პოზიცია, პოლიტიკური კონიუნქტურიდან გამომდინარე დღეს, რამდენად გადაუსვამენ ხაზს იმ პრინციპებს, რისთვისაც უამრავი ადამიანი იბრძოდა ამ ქვეყანაში", - განაცხადა დოლიძემ.
შეგახსენებთ, საქართველოს პარლამენტში უზენაესი სასამართლოს მოსამართლეობის კანდიდატების მოსმენის პროცედურა დღეს დაიწყო. იურიდიულ საკითხთა კომიტეტის სხდომაზე კანდიდატ თამარ ალანიას უსმენენ. ის ამ დროისთვის თბილისის სააპელაციოს სასამართლოს უვადო მოსამართლეა.
ცნობისთვის, თამარ ალანია "მუხროვანის ამბოხების" საქმის განმხილველი მოსამართლეა.