ღია კარის დღე - “ვალეოლოგია ქართულ რეალობაში“ ჩატარდა

,,მეცნიერებისა და ინოვაციების საერთაშორისო ფესტივალი - 2019“-ის ფარგლებში ჩატარდა ღია კარის დღე - “ვალეოლოგია ქართულ რეალობაში“.

როგორც „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს, ღონისძიებას მასპინძლობდნენ: თბილისის სახელმწიფო სამედიცინო უნივერსიტეტი, სოციალური პედიატრიის დაცვის ფონდი და თსსუ-ის აფილირებული კლინიკა ,,ბაზი” (აღდგენითი თერაპიის ცენტრი).

საქართველოში ვალეოლოგიის ერთ-ერთმა ფუძემდებელმა, პროფესორმა გიორგი ჩახუნაშვილმა ღონისძიების სტუმრებს გააცნო ვალეოლოგიის, როგორც ახალი პერსპექტიული დარგის არსი და მისი მნიშვნელობა. თსსუ-ის კლინიკის პროფესორმა გიორგი ჩახუნაშვილმა აღნიშნა, რომ დაავადებათა სამკურნალოდ, ყოველწლიურად იზრდება სახელმწიფოების მიერ გამოყოფილი რესურსები, რაც ქვეყნების ეკონომიკურ გამოწვევას წარმოადგენს. ხარჯების დაზოგვის და ეფექტიანობის ამაღლების თვალსაზრისით, იზრდება ცხოვრების ჯანსაღი წესის, დაავადებათა რისკ-ფაქტორების ნაადრევი განსაზღვრისა და პრევენციული ღონისძიებების დანერგვის მნიშვნელობა. სწორედ ამ მიმართულებით არის მნიშვნელოვანი ,,ვალეოლოგიის“, როგორც მედიცინის დარგის განვითარება.

,,ვალეოლოგია არ მოიცავს მხოლოდ მედიცინას და სამკურნალო პროცედურებს, ის წარმოადგენს ჯანმრთელობაზე ზრუნვის კომპლექსურ მიდგომათა ერთობლიობას, რომელიც აერთიანებს ადამიანის ფიზიკურ, მორალურ და სულიერ ჯანმრთელობას. ვალეოლოგიის არსი ცხოვრების ჯანსაღი წესის დანერგვაა“, - განაცხადა პროფესორმა გიორგი ჩახუნაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს