„თავისუფალი საქართველო“ კონსტიტუციური ცვლილებების საჯარო განხილვის პროცესში მონაწილეობს და პარტია მხარს უჭერს ცვლილებების შემოთავაზებულ მოდელს, რაც 2020 წლიდან ბუნებრივი ბარიერის პირობებში პროპორციულ საპარლამენტო საარჩევნო სისტემაზე გადასვლას გულისხმობს.

როგორც „თავისუფალი საქართველოს“ მიერ გავრცელებულ ინფორმაციაშია აღნიშნული, პარტიას მიაჩნია, რომ გონივრული იქნება „თუ ეს მოდელი მომავალშიც შენარჩუნდება.

ამასთან, როგორც „თავისუფალი საქართველოს“ თავმჯდომარემ, კახა კუკავამ საზოგადოებასთან შეხვედრის დროს განაცხადა, პარტია მიიჩნევს, რომ აუცილებელია აღდგეს პრეზიდენტის პირდაპირი წესით არჩევის წესი, რათა არ არსებობდეს ბუნდოვანება, ვინ არის ქვეყნის ფორმალური თუ არაფორმალური პირველი პირი.