გიორგი ოთხმეზური - შეწყალების საკითხზე პრეზიდენტს ვაკისრებ პასუხისმგებლობას, აბა სხვა ვის უნდა დავაკისრო?!

ძალიან ბევრი ვარიანტი არსებობს და არ მაინტერესებს, რის შედეგად მოხდა შეწყალება - ფული აიღეს, ნაცნობობით გაკეთდა, სიყვარულით თუ მტრობით, - ამის შესახებ ისტორიკოსმა გიორგი ოთხმეზურმა, პროკურატურაში გამოკითხვის შემდეგ, ჟურნალისტებთან განაცხადა.

კითხვაზე, რომელი ვერსიაა მისთვის დამაჯერებელი, მან თქვა, რომ არც ერთ ვერსიას არ აქვს მისთვის მნიშვნელობა.

„გამომძიებელმა მკითხა, როგორ იყო თავიდან საქმე, რა იყო და ვუთხარი, რომ დამნაშავე იყო ბეჟანიძე და ეს საქმეები დევს პროკურატურის მასალებში. ძალიან ბევრი ვარიანტი არსებობს და არ მაინტერესებს, რის შედეგად მოხდა შეწყალება - ფული აიღეს, ნაცნობობით გაკეთდა, სიყვარულით თუ მტრობით, არ აქვს ამას მნიშვნელობა ჩემთვის. რაც ვიცოდი, დევს პროკურატურის და საქმის მასალებში. მკითხეს, გამოცხადდები თუ არა სასამართლოზეო და ვუთხარი, რომ თანახმა ვარ. ასევე მკითხეს, სასამართლოზე მიხვალ თუ არა ჩვენების მისაცემად საჭიროების შემთხვევაშიო, რაზეც ვუთხარი, რომ კი ბატონო, მივალ-მეთქი. ბევრი ვარიანტი არსებობს შეწყალებაზე - შეიძლება არ ჩათვალა საჭიროდ, რომ წაეკითხა, შეიძლება წაიკითხა და მაინც შეიწყალა. ყველაფერი შეიძლება“, - განაცხადა ოთხმეზურმა.

კითხვაზე შეწყალების საკითხზე პასუხისმგებლობას ვის აკისრებს, მან უპასუხა, რომ „პრეზიდენტს“.

„პრეზიდენტს ვაკისრებ, სხვას ვის უნდა დავაკისრო?!“, - აღნიშნა ოთხმეზურმა.

რაც შეეხება კითხვას, შეიძლება თუ არა ითქვას, რომ მისი შვილის მკვლელობის საკითხს თავიდან იძიებენ, მან განაცხადა, რომ „დღევანდელი გადაწყვეტილება რამდენად კანონიერია, იმას იძიებენ თავიდან“.

პრეზიდენტმა სალომე ზურაბიშვილმა მარიამობის დღესასწაულთან დაკავშირებით გამოცემული შეწყალების აქტით, მკვლელობისთვის მსჯავრდებული რამდენიმე პირი შეიწყალა, მათ შორის 22 წლის პოლიციელის, თარაშ მუკბანიანის, გიორგი ოთხმეზურის შვილის, დავით ოთხმეზურისა და სოსო ქოიავას მკვლელობისთვის მსჯავრდებული პირები. სკანდალური შეწყალების შემდეგ პროკურატურამ მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე გამოძიება დაიწყო.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“