ზუგდიდში პირველი პრეზიდენტის სახელობის ბიბლიოთეკა აშენდება

ზუგდიდში, საქართველოს პირველი პრეზიდენტის, ზვიად გამსახურდიას სახელობის ბიბლიოთეკა მეოთხე საბავშვო ბაღის ყოფილ ტერიტორიაზე აშენდება. ამის შესახებ ,,ინტერპრესნიუსს’’ ზუგდიდის მუნიციპალიტეტიდან აცნობეს. მათივე ცნობით, ბიბლიოთეკის პროექტირების სამუშაოები უკვე მიმდინარეობს.

აღნიშნული ინფორმაცია, ზუგდიდის მუნიციპალიტეტის მერმა გიორგი შენგელიამ, დღეს, დემოკრატიული ჩართულობის ქსელის ზუგდიდის ოფისში გამართულ შეხვედრაზე გააჟღერა, სადაც არასამთავრობო სექტორის, მედიისა და სამოქალაქო საზოგადოების წარმომადგენლებს, მუნიციპალიტეტში 6 თვის განმავლობაში განხორციელებულ პროექტებზე ინფორმაცია მიაწოდა და მათ სამომავლო გეგმები გააცნო.

„ბიბლიოთეკაში სამკითხველო დარბაზი, ბიბლიოთეკის არქივი, მუდმივი ან დროებითი საგამოფენო სივრცე, ტურისტებისთვის საინფორმაციო ცენტრი, ინტერაქტიული სწავლებისთვის განკუთვნილი სივრცე, კაფე და ვერანდა მოეწყობა, რომელსაც ხედი დადიანების სასახლისკენ ექნება.

შეხვედრა, რომელსაც ქალაქ ზუგდიდის მაჟორიტარი დეპუტატი მერაბ ქვარაია და საკრებულოს თავმჯდომარე მამუკა წოწერია ესწრებოდნენ, 2 საათის განმავლობაში, კითხვა-პასუხის რეჟიმში მიმდინარეობდა.

პროექტს მუნიციპალური განვითარების ფონდი განახორციელებს“, - ნათქვამია ინფორმაციაში.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით