ინდონეზიის აღმოსავლეთ პროვინცია მალუკუში 6.5 მაგნიტუდის სიმძლავრის მიწისძვრა მოხდა, - ამის შესახებ ინფორმაციას „როიტერსი“ ადგილობრივ ხელისუფლებაზე დაყრდნობით ავრცელებს.
როგორც სააგენტო იუწყება, მიწისძვრის შედეგად დაიღუპა სულ მცირე ერთი ადამიანი, დაზიანებულია შენობები, მოსახლეობა კი მთებშია გახიზნული.
მიწისძვრის ეპიცენტრი პროვინციის დედაქალაქ ამბონიდან 40 კილომეტრში დაფიქსირდა.
ინდონეზიაში, რომელიც სეისმურად აქტიურ წყნარი ოკეანის „ცეცხლოვან სარტყელში“ მდებარეობს, ხშირია ძლიერი მიწისძვრები და ცუნამები. 2018 წელს სულავესის კუნძულზე მომხდარ 7.5 მაგნიტუდის სიმძლავრის მიწისძვრას და მისგან გამოწვეულ ცუნამს 4,000-ზე მეტი ადამიანის სიცოცხლე შეეწირა. 2004 წელს სუმატრას კუძულზე მომხდარმა ძლიერმა მიწისძვრამ კი 14 ქვეყნის 226,000 მოქალაქის სიცოცხლე იმსხვერპლა მათგან 120,000-ზე მეტი ინდონეზიელი იყო.