სოხუმის დაცემიდან 26 წლის გასვლასთან დაკავშირებით, ბორჯომის მუნიციპალიტეტის წარმომადგენლებმა, სასულიერო პირებმა და რიგითმა მოქალაქეებმა აფხაზეთის ომში დაღუპულ გმირებს პატივი მიაგეს.
როგორც „ინტერპრესნიუსს“ ბორჯომის მუნიციპალიტეტიდან აცნობეს, მუნიციპალიტეტის მერმა ლევან ლიპარტიამ და საკრებულოს თავმჯდომარემ გიორგი გოგიჩაიშვილმა, სანაპირო სკვერში არსებული გმირთა მემორიალი ყვავილებით შეამკეს. გარდაცვლილთა სულებისათვის პანაშვიდი მამა დიმიტრიმ და მამა არჩილმა გადაიხადეს.
ადგილზე თემატური ღონისძიებაც მოეწყო. შესრულდა სამშობლოზე სიმღერები, მოსწავლეებმა კი აფხაზეთზე ლექსები წაიკითხეს.