სუს-ის ანალიტიკური დეპარტამენტის დირექტორის მოადგილის განცხადებით, ამ ეტაპზე ახალგორში ჰუმანიტარული კრიზისის ნიშნები არ არის

სუს-ის ანალიტიკური დეპარტამენტის დირექტორის მოადგილის ირაკლი ანთაძის განცხადებით, ამ ეტაპზე ახალგორში ჰუმანიტარული კრიზისის ნიშნები არ არის. ამის შესახებ ანთაძემ ჟურნალისტებს ერგნეთში ინცინდენტების პრევენციისა და მათზე რეაგირების ჯგუფის მორიგი შეხვედრის წინ განუცხადა.

„რაც შეეხება ახალგორში შექმნილ ვითარებას, როგორც კრიზისის, ამის შეფასების არანაირი ინდიკატორი ამ ეტაპზე არ არსებობს. თუმცა, თუ დროულად არ გაიხსნა და მოსახლეობას არ მიეცა თავისუფლად გადაადგილების შესაძლებლობა, რაღაც პერიოდში მათ აუცილებლად შეექმნებათ კონკრეტული პრობლემები“, - განაცხადა ანთაძემ.

გარდა ამისა, ჟურნალისტები დაინტერესდნენ ცხინვალის იზოლატორში პატიმრების შიმშილობის საკითხით, მათ შორის საქართველოს ერთი მოქალაქის ჯანმრთელობის მდგომარეობით, რაზეც ანთაძემ განაცხადა, რომ საკითხის შესწავლა მიმდინარეობს.

„ეს თემა არ იქნება დღევანდელი შეხვედრის განხილვის საგანი. სიტუაციას ვსწავლობთ და დეტალებს ვაზუსტებთ“, - განაცხადა ანთაძემ.

ერგნეთში ტექნიკური შეხვედრა დაიწყო. დღის წესრიგში მხოლოდ ერთი საკითხი ჩორჩანა-წნელისის მონაკვეთზე განთავსებული საგუშაგოებია.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია