გიორგი კახიანი ადასტურებს, რომ სემეკის თავმჯდომარის არჩევის თაობაზე კონსტიტუცია და შესაბამისი კანონი ერთმანეთთან წინააღმდეგობაში მოდის

საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარის არჩევის თაობაზე საქართველოს კონსტიტუცია და შესაბამისი კანონი ერთმანეთთან წინააღმდეგობაში მოდის.

„საქართველოს ელექტროენერგეტიკისა და ბუნებრივი გაზის შესახებ“ კანონში ვკითხულობთ, რომ საქართველოს პრეზიდენტი, მთავრობის წარდგინებით, პარლამენტს სემეკ-ის თავმჯდომარის პოსტზე სემეკ-ის ერთ-ერთი წევრის კანდიდატურას წარუდგენს.

რაც შეეხება საქართველოს კონსტიტუციას, მასში აღნიშნულია, რომ საქართველოს პრეზიდენტს პარლამენტისთვის მხოლოდ სემეკ-ის წევრობის კანდიდატების წარდგენის უფლება აქვს. კანონისა და კონსტიტუციის შეუსაბამობას ადასტურებს საპროცედურო საკითხთა და წესების კომიტეტის თავმჯდომარე გიორგი კახიანიც.

მისი თქმით, შესაძლოა, კანონის არაკონსტიტუციურობასთან გვქონდეს საქმე. მისივე განცხადებით, შესაძლოა კანონის შეცვლა გახდეს საჭირო და ცვლილებამდე სემეკ-ის თავმჯდომარის არჩევა ვერ მოხდება.

„როგორც ჩანს, პრეზიდენტმა იმოქმედა კანონის თანახმად. კანონის მიხედვით, პრეზიდენტს აქვს ეს უფლებამოსილება, თუმცა, კონსტიტუციური ჩანაწერები განსხვავებული შინაარსის არის. პრეზიდენტს აქვს მხოლოდ კონსტიტუციით გაწერილი პრეროგატივა და უფლებამოსილებები. ვინაიდან კონსტიტუციაში მსგავსი ჩანაწერი არ არის, შესაძლოა, კანონის არაკონსტიტუციურობასთან გვქონდეს საქმე. ამიტომ ჩვენ მივიღებთ გადაწყვეტილებას, თუ როგორ გაგრძელდეს ეს პროცესი და ვიმოქმედებთ ისე, როგორც ამას კონსტიტუციური კანონმდებლობა მოითხოვს“,- აცხადებს გიორგი კახიანი.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა