ოკუპირებული აფხაზეთის „სახელმწიფო უსაფრთხოების სამსახურმა“ საქართველოსთან ე.წ. საზღვარზე არსებული შეზღუდვა გააუქმა. ამის შესახებ „სპუტნიკი“ იუწყება.

„საზღვარზე“ ორმხრივი გადაადგილების აკრძალვა საოკუპაციო რეჟიმმა მიმდინარე წლის ივნისში დააწესა.

„უშიშროების სამსახურის“ ინფორმაციით, „საზღვარზე“ მიმოსვლა 27 ივნისს, თბილისსა და ზუგდიდში არსებული საპროტესტო აქციების გამო დაწესდა. აკრძალვა მხოლოდ მათზე არ ვრცელდებოდა, ვინც ოკუპირებული აფხაზეთიდან საქართველოში სამედიცინო მომსახურების მიზნით აპირებდა გადასვლას.