ფინანსთა მინისტრი ივანე მაჭავარიანი მთავრობის კანცელარიაში საკადრო ცვლილებებს აფასებს და აცხადებს, რომ პრემიერ-მინისტრი შეიცვალა და შესაბამისად, ცვლილებები იქნება. ამის შესახებ მაჭავარიანმა ჟურნალისტების კითხვის საპასუხოდ განუცხადა.

„ბევრი ცვლილება არის, მიმდინარეობს. პრემიერ-მინისტრი შეიცვალა და რასაკვირველია, ცვლილებები იქნება. ზოგადად, დადებითისკენ არის ეს ცვლილებები, თუმცა, ამ კონკრეტულ შემთხვევას არ ვგულისხმობ. ნათია მეზვრიშვილთანაც და კახა კახიშვილთანაც ძალიან კარგი, კოლეგიალური ურთიერთობა მქონდა და ორივეს წარმატებებს ვუსურვებ“, - განაცხადა მაჭავარიანმა.

კითხვაზე - შესაძლოა თუ არა, რომ კახა კახიშვილი გენერალურ პროკურორად ვიხილოთ? - მაჭავარიანმა განაცხადა: „არ მაქვს ინფორმაცია, გულწრფელად გეუბნებით“.