აზერბაიჯანის დედაქალაქში ადვოკატთა შორის ფეხბურთში კავკასიის ღია პირველობა იწყება. როგორც „ინტერპრესნიუსს“ საქართველოს ადვოკატთა ასოციაციიდან აცნობეს, ტურნირის გახსნით ცერემონიაზე გუნდებს სიტყვით აზერბაიჯანის ადვოკატთა ასოციაციის თავმჯდომარემ ანარ ბაგიროვმა და საქართველოს ადვოკატთა ასოციაციის აღმასრულებელმა მდივანმა გიორგი ჭეხანმა მიმართეს და ისაუბრეს ტურნირის მნიშვნელობასა და მის ტრადიციულ ფორმატად ქცევაზე, ასევე თითოეულ გუნდს წარმატება უსურვეს.
მათივე ინფორმაციით, ჩემპიონატი საქართველოს და აზერბაიჯანის ადვოკატთა ასოციაციების თანაორგანიზებით ტარდება და მასში მონაწილეობას 16 გუნდი, მათ შორის საქართველოს ადვოკატთა ასოციაციის გუნდი იღებს.
საქართველოს ადვოკატთა ასოციაციის გუნდი განთავსებულია ტურნირის "ა" ქვეჯგუფში ირანელი, ბელორუსი და რუსი ადვოკატების გუნდებთან ერთად.