მამუკა მდინარაძე „ევროპული საქართველოს" მოთხოვნას პოლიტიკურ სპეკულაციად აფასებს

ფრაქცია „ქართული ოცნების" თავმჯდომარე მამუკა მდინარაძე პოლიტიკურ სპეკულაციად აფასებს „ევროპული საქართველოს" მოთხოვნას, რომელიც ფინანსთა მინისტრის, ივანე მაჭავარიანის საფინანსო-საბიუჯეტო კომიტეტის სხდომაზე დაბარებას უკავშირდება.

როგორც მდინარაძემ „ინტერპრესნიუსს" განუცხადა, ივანე მაჭავარიანს „მინისტრის საათის“ ფორმატში პარლამენტში ისედაც უწევს მისვლა.

„ახალმა კონსტიტუციამ და რეგლამენტმა საშუალება მოგვცა, რომ მინისტრები ისედაც ხშირად იყვნენ პარლამენტში. ერთი კვირით ადრე, თუ სამი დღით ადრე მოიყვანენ ამ ადამიანს, ეს არაფერს ცვლის. უბრალოდ ცვლის იმას, რომ ისინი იტივტივებენ მედიის, „ნიუსების" ზედაპირზე.

პოლიტიკური პრაქტიკა და კულტურა ხომ შეიძლება დავხვეწოთ, რომ „მინისტრის საათის“ ფორმატია და ამ ადამიანებს ისედაც უწევთ მოსვლა. იგივე იყო დავით ზალკალიანის შემთხვევაშიც. კი ბატონო, დაარქვან, რომ მათ მოჰყავთ(მინისტრი პარლამენტში) და ის ფორმატებიც გამოვიყენოთ, რასაც ისინი ამბობენ, მაგრამ როდესაც იცი, რომ ისედაც მალე მოუწევს ადამიანს მოსვლა, ამ შემთხვევაში მხოლოდ პოლიტიკური სპეკულაციის საგანი ხდება“, - განაცხადა მდინარაძემ.

შეგახსენებთ, „ევროპული საქართველო" საფინანსო-საბიუჯეტო კომიტეტზე ფინანსთა მინისტრს იბარებს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა