ქედაში საკონსტიტუციო ცვლილებების საყოველთაო-სახალხო განხილვა გაიმართა

აჭარაში საკონსტიტუციო ცვლილებების საყოველთაო-სახალხო განხილვა გრძელდება. როგორც „ინტერპრესნიუსს“ აჭარის უმაღლესი საბჭოდან აცნობეს, ავტონომიური რესპუბლიკის კონსტიტუციური კანონის პროექტების გამოქვეყნებისა და მათი საყოველთაო-სახალხო განხილვის საორგანიზაციო კომისიამ დავით გაბაიძის ხელმძღვანელობით, პროპორციულ საარჩევნო სისტემაზე გადასვლასთან დაკავშირებით, აჭარის უმაღლესი საბჭოს 14 წევრის მიერ ინიცირებული საკანონმდებლო ცვლილებები ამჯერად ქედის მუნიციპალიტეტის საკრებულოს სხდომათა დარბაზში შეკრებილ საზოგადოებას გააცნო.

აჭარის უმაღლესი საბჭოს თავმჯდომარემ დავით გაბაიძემ ცვლილებების მომზადების წინაპირობებზე, მათ დადებით და ნაკლოვან მხარეებზე ისაუბრა.

“თქვენი ხმა გადამწყვეტია და ჩვენ მზად ვართ გავითვალისწინოთ საზოგადოების მოთხოვნები, ვინაიდან ეს ცვლილებები მხოლოდ თქვენთან თანხმობით უნდა განხორციელდეს“, - აღნიშნა დავით გაბაიძემ.

კონსტიტუციური კანონის პროექტები - „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ და აჭარის ავტონომიური რესპუბლიკის კონსტიტუციაში ცვლილების შეტანის შესახებ“ აჭარის ავტონომიური რესპუბლიკის კონსტიტუციურ კანონში ცვლილების შეტანის თაობაზე პროპორციულ საარჩევნო სისტემაზე გადასვლას ითვალისწინებს.

„საკანონმდებლო ორგანოს წევრებმა ამჯერადაც სამ ძირითად მიმართულებაზე - პროპორციულ სისტემაზე, ბუნებრივ ბარიერსა და ბლოკების დაშვება-არდაშვებაზე გაამახვილეს ყურადღება და მოქალაქეთა შეკითხვებს უპასუხეს. შეხვედრის მონაწილეებმა დადებითად შეაფასეს საკონსტიტუციო ცვლილებების განხილვის ფორმატი. ადგილობრივები თვითმმართველობის მომავალი არჩევნებით, პროპორციულ სიებში მუნიციპალიტეტების წარმომადგენლობის უზრუნველყოფის, პოლიტიკურ ძალთა ბალანსისა და სხვა მნიშვნელოვანი საკითხებით დაინტერესდნენ“, - ნათქვამია ინფორმაციაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა