ნატო-ს გენერალური მდივნის მოადგილე - ჩვენ მოწოდებას ვაგრძელებთ რუსეთის მიმართ, რათა საქართველოს ოკუპირებული რეგიონებიდან ჯარები გაიყვანოს

მიმდინარე ვიზიტის მიზანია, კიდევ უფრო გავაღრმავოთ ჩვენი თანამშრომლობა საქართველოსთან, ვუზრუნველყოთ, რომ შავი ზღვა იყოს უსაფრთხოების წყარო რეგიონში ყველასთვის“,-ამის შესახებ ნატო-ს გენერალური მდივნის მოადგილემ როუზ გოტმიოლერმა ბათუმში, ნატო-საქართველოს კომისიის შეხვედრაზე სიტყვით გამოსვლისას განაცხადა.

როგორც ნატოს გენერალური მდივნის მოადგილემ აღნიშნა, საქართველო არის ნატო-ს ერთ-ერთი ყველაზე ახლო საოპერაციო პარტნიორი. მისი თქმით, ნატო მაღალ შეფასებას აძლევს იმ წვლილს, რომელიც საქართველოს ევროატლანტიკური უსაფრთხოების სფეროში აქვს. როუზ გოტმიოლერის განცხადებით, ბოლო წლებში ნატო-ს ლიდერებმა „დაადასტურეს ბუქარესტის გადაწყვეტილება, რომ საქართველო ნატო-ს წევრი გახდება“.

„ჩვენ მოწოდებას ვაგრძელებთ რუსეთის მისამართით, რათა საქართველოს ოკუპირებული რეგიონებიდან ჯარები გაიყვანოს, პატივი სცეს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში.

მიმდინარე ვიზიტის მიზანია, ძალისხმევა გავაძლიეროთ და კიდევ უფრო გავაღრმავოთ ჩვენი თანამშრომლობა საქართველოსთან, ვუზრუნველყოთ, რომ შავი ზღვა იყოს უსაფრთხოებისა წყარო რეგიონში ყველასთვის“,-განაცხადა როუზ გოტმიოლერმა.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა