აჭარის ავტონომიური რესპუბლიკის საკონსტიტუციო ცვლილებების პროექტის მორიგი განხილვა ხელვაჩაურში გაიმართა

აჭარის ავტონომიური რესპუბლიკის საკონსტიტუციო ცვლილებების პროექტის მორიგი განხილვა ხელვაჩაურში გაიმართა. ამის შესახებ „ინტერპრესნიუსს“ აჭარის უმაღლესი საბჭოდან აცნობეს.

პროექტი - „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ პროპორციულ საარჩევნო სისტემაზე გადასვლას ითვალისწინებს და აჭარის უმაღლესი საბჭოს 14 წევრის მიერაა ინიცირებული. დავით გაბაიძემ დარბაზში შეკრებილ საზოგადოებას ცვლილებების მომზადების წინაპირობებზე, მათ დადებით და ნაკლოვან მხარეებზე დეტალური ინფორმაცია მიაწოდა.

„თავის დროზე ავირჩიეთ შერეული საარჩევნო სისტემა და ეს ჩვენი მოსახლეობის მოთხოვნა იყო, მაგრამ ახლა ჩვენ სხვა არჩევანის წინაშე ვდგავართ და მზად ვართ, მოვისმინოთ თქვენი მოსაზრებები პროპორციულ სისტემასთან დაკავშირებით“, - განაცხადა ავტონომიური რესპუბლიკის კონსტიტუციური კანონის პროექტების გამოქვეყნებისა და მათი საყოველთაო-სახალხო განხილვის საორგანიზაციო კომისიის თავმჯდომარემ დავით გაბაიძემ.

საკანონმდებლო ორგანოს წევრებმა - გია აბულაძემ, მერაბ კარანაძემ, მერაბ ბლადაძემ, ილია ვერძაძემ, გიორგი ცინცქილაძემ პროპორციულ სისტემაზე გადასვლის მნიშვნელობაზე, ბუნებრივ ბარიერსა და ბლოკების დაშვება-არდაშვებაზე გაამახვილეს ყურადღება. როგორც ითქვა, ერთადერთი საკითხი რაზეც ჯერ არაა მიღწეული შეთანხმება უმრავლესობასა და ოპოზიციურ პარტიებს შორის, ბლოკების საკითხია.

კომისიის წევრების პოზიციების გაცნობის შემდეგ განხილვა კითხვა-პასუხის რეჟიმში გაგრძელდა. მოქალაქეები ე.წ. „დაკარგული ხმებით,“ მაჟორტართა ბიუროების მომავლით, ბარიერისა და სხვა მნიშვნელოვანი საკითხებით დაინტერესდნენ.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს