ზაალ უდუმაშვილი - გამომძიებლის კითხვები, ძირითადად, „რუსთავი 2“-ის საქმიანობას ეხებოდა
ეს საქმე არანაირ კავშირშია არც სამართალთან, არც ძიებასთან და არც არაფერთან. ამის შესახებ "ერთიანი ნაციონალური მოძრაობის" ერთ-ერთმა ლიდერმა ზაალ უდუმაშვილმა, პროკურატურის დატოვების შემდეგ ჟურნალისტებს განუცხადა. მისივე განმარტებით, ეს არის პოლიტიკური დევნის შესახებ მიღებული გადაწყვეტილება, რომელსაც წარმატებით ახორციელებენ.
"კითხვებზე დეტალურად ვერ ვისაუბრებ, რადგან გაუთქმელობაზე მაქვს ხელი მოწერილი. კითხვები, ძირითადად, „რუსთავი 2“-ის საქმიანობას ეხებოდა. ჩემი კომპეტენციის ფარგლებში მე შეძლებისდაგვარად გავეცი პასუხები, მაგრამ ამას ზოგადად მნიშვნელობა არ აქვს. ეს საქმე არანაირ კავშირში არ არის, არც სამართალთან, არც ძიებასთან და არაფერთან. ეს არის პოლიტიკური დევნის შესახებ მიღებული გადაწყვეტილება, რომელსაც წარმატებით ახორციელებენ. დავალება მიღებულია და უნდა შეასრულონ, მაგრამ ჩვენც ვიცით, როგორ უნდა ვიბრძოლოთ, როგორ უნდა ვიომოთ და დარწმუნებული ვარ, რომ ამ ბრძოლას ძალიან მალე მივიყვანთ ბოლომდე და ყველა ის ადამიანი, რომელიც დღეს პოლიტიკური დევნის მსხვერპლია ბიძინა ივანიშვილის მხრიდან, სწორედ ისინი დაასრულებენ ძალიან მალე ამ რეჟიმს ქვეყანაში",-განაცხადა ზაალ უდუმაშვილმა.
