ეკვადორის პრეზიდენტმა ლენინ მარენომ ქვეყანაში საგანგებო მდგომარეობა მას შემდეგ გამოაცხადა, რაც დემონსტრანტებმა ცეცხლმოკიდებული ბარიერები აღმართეს და პოლიციას ქვები დაუშინეს. „როიტერსის“ ინფორმაციით, პროტესტი საწვავის სუბსიდირების პროგრამის დასრულებას მოჰყვა, რომელიც მთავრობის ფისკალური რეფორმის პაკეტის ფარგლებში განხორციელდა.
გუშინ, საწვავის სუბსიდირების შეწყვეტის შემდეგ, სატრანსპორტო საშუალებების მძღოლებმა ქუჩები გადაკეტეს, რომელთაც შემდეგ სტუდენთა და პროფესიულ კავშირთა ჯგუფებიც შეუერთდნენ.
ოფიციალური პირების განცხადებით, საწვავის სუბსიდირების შეწყვეტა აუცილებელი გახდა, რათა გამკლავებოდნენ ეკონომიკურ გამოწვევებსა და კონტრაბანდას.
რეფორმის შედეგად ეკვადორში დიზელის ფასი 1.03 -დან 2.30 დოლარამდე აიწია, ხოლო ბენზინის ფასმა 1,85 დოლარიდან 2,39-ის ნიშნულს მიაღწია.