გორში, სამშენებლო მასალების ერთ-ერთ საამქროში, მუშა, რომელიც სამშენებლო ბლოკის დაზგას წმენდდა, დაშავდა. ამის მიზეზი სავარაუდოდ, მოულოდნელად ელექტრომექანიზმის ჩართვა გახდა. შემთხვევის შედეგად 60 წლამდე ასაკის მუშამ სხეულის მრავლობითი დაზიანებები მიიღო. იგი კლინიკა ,,გორმედშია“ გადაყვანილი. ექიმების განცხადებით, პაციენტს მრავლობითი დაზიანებები აღენიშნება და მის სიცოცხლეს საფრთხე არ ემუქრება.

,,პაციენტს თავის არეში აღენიშნება ჭრილობები და თავის ტვინის შერყევა, ასევე, საწარმოო შემთხვევის დროს მოხდა ყურის ნიჟარის დაზიანება. ჩაუტარდა ყველა საჭირო კვლევა და მიმდინარეობს მკურნალობა. პაციენტი მოთავსებულია ,,გორმედის“ სტაციონარში“, - განაცხადა ,,ინტერპრესნიუსთან“ საუბარში ნეიროქირურგმა კახა ფაცინაშვილმა.