საგარეჯოში მომხდარი მკვლელობის და თვითმკვლელობის შესახებ ახალი დეტალები ხდება ცნობილი

საგარეჯოში მომხდარი მკვლელობის და თვითმკვლელობის შესახებ, „ინტერპრესნიუსისთვის" ახალი დეტალები ხდება ცნობილი.

როგორც მოკლული 70 წლის ელდარ ივანელაშვილის ახლობლები ამბობენ, დაახლოებით 20 წლის წინ, მასსა და შოთა დარბაისელს შორის კონფლიქტი იყო, რა დროსაც შოთა დარბაისელმა ივანელაშვილისთვის ცივი იარაღით დაზიანებების მიყენება სცადა, თუმცა, მას შემდეგ მათ შორის კონფლიქტი არ ყოფილა.

მათივე ინფორმაციით, დღეს, შემთხვევამდე ცოტა ხნით ადრე კი, დარბაისელი ხორცის მაღაზიაში მივიდა და ივანელაშვილს ფული სთხოვა.

„ზუსტად მიზეზი რა იყო, არ ვიცით, მაგრამ ვიცი, რომ დაახლოებით 20 წლის წინ, ერთად ქეიფობდნენ და რაღაც უთანხმოება მოხდა. შოთა დარბაისელს მაშინ დანის დარტყმა უცდია, თუმცა ვერ მოახერხა. მას შემდეგ ხშირად ხვდებოდნენ ერთმანეთს, მეზობლები არიან. მკვლელობამდე ცოტა ხნით ადრე კი დარბაისელი ხორცის მაღაზიაში მისულა და ივანელაშვილისთვის უთქვამს, ფული მომეცი, ტყვიები უნდა ვიყიდოო. ივანელაშვილს ფული მიუცია, რას წარმოიდგენდა, რაც მოხდებოდა. შოკში ვართ ყველა“, - განაცხადა გარდაცვლილის ერთ-ერთმა ახლობელმა ივანე ფაროზიშვილმა.

ცნობისთვის, ცოტა ხნის წინ საგარეჯოს ცენტრში 67 წლის მამაკაცმა 70 წლის მამაკაცი მოკლა და შემდეგ თავი მოიკლა.

მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო