დავით ჭიჭინაძე - მოუხსნან თამარ ჩუგოშვილსაც იმუნიტეტი და დაიწყოს გამოძიება

დამოუკიდებელი დეპუტატი დავით ჭიჭინაძე პარლამენტის პირველი ვიცე-სპიკერის თამარ ჩუგოშვილისთვის სადეპუტატო იმუნიტეტის მოხსნას მოითხოვს.

„ლამის ქვეყანა აფეთქდა, ამდენი ადამიანი დასახიჩრდა, ახალგაზრდები, ჟურნალისტები. ახლანდელმა პრემიერმა გიორგი გახარიამ კი, იმიტომ რომ სხვებს ხელი გადააფარა, თავად „აიღო“ მთელი პასუხისმგებლობა, რითაც უკვე მიადგა უდიდესი ზიანი. არ ვურჩევდი გიორგი გახარიას ამ პასუხისმგებლობით სიარულს და იქნებ ახლა მაინც დაავალოს და ჩატარდეს რეალური გამოძიება.

ნიკა მელიასთვის იმუნიტეტის მოხსნა არ გასჭირვებიათ. თამარ ჩუგოშვილსაც მოუხსნან იმუნიტეტი და მისცენ პროკურატურას სრულფასოვანი მუშაობის საშუალება“, - განაცხადა დავით ჭიჭინაძემ.

მისივე თქმით, ყველაფერი რაც 20-21 ივნისს მოხდა, სწორედ „ქართული ოცნების“ შიგნით არსებული ძალების პროვოცირებულია, რა თქმა უნდა, გარეშე ძალებთან ერთად.

„თუ ვინმეს გადატრიალებაში და ამბოხში ადანაშაულებენ, თუ ვინმე დასაკითხია, „ოცნებამ“ თავისი რიგებიდან და პირველ რიგში თამარ ჩუგოშვილით უნდა დაიწყოს. იმიტომ რომ, სწორედ მისი ე.წ. საპროტესტო მოწოდება იყო პირველი, რის შემდეგაც მან ქვეყანა დატოვა, აქ კი არეულობა დაიწყო. არადა, გავრილოვის ვიზიტის ყველა დეტალის შესახებ ჩუგოშვილმა დიდი ხნით ადრე იცოდა და ამას დღეს „ოცნების“ ყოფილი წევრიც ადასტურებს.

ისე, სულ ტყუილად ჰგონია „ოცნების“ ხელისუფლებას, რომ თამარ ჩუგოშვილის გარეშე ამერიკელებთან ურთიერთობა არ დაულაგდებათ, რადგან ჩუგოშვილი იმ ამერიკელებთან „ალაგებს“, ვინც პრეზიდენტს და მის ადმინისტრაციას ებრძვის, რითაც მხოლოდ რუსებს ეხსნებათ ხელ-ფეხი და იმიტომაცაა ჩვენი მდგომარეობა ასეთი სავალალო.

ისე,ზაქარია ქუცნაშვილიც თავად არის ანომალიური მოვლენა და ელოდოს ახლა „ქართული ოცნება“ კიდევ რამდენ სიურპრიზს მოუმზადებს.

მთლიანობაში კი, ერთი რამ ფაქტია. „ქართული ოცნების“ შემადგენლობაში ბოლო წლებია თითქოს მუტაცია მოხდა. თავის დროზე „ნაცებმა“ გამოიყვანეს „ახალი ქართველი“ და ახლა „ოცნება“ დაადგა იგივე გზას“, - აცხადებს დავით ჭიჭინაძე.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს