ზესტაფონში მასწავლებლის საერთაშორისო დღე აღნიშნეს

ზესტაფონის მუნიციპალიტეტის მერიისა და საგანმანათლებლო რესურს ცენტრის ორგანიზებით, მასწავლებლის საერთაშორისო დღესთან დაკავშირებით, კულტურისა და შემოქმედების ცენტრში ღონისძიება გაიმართა.

როგორც „ინტერპრესნიუსს“ ზესტაფონის მუნიციპალიტეტიდან აცნობეს, ღონისძიებას სხვადასხვა საჯარო და კერძო სკოლების პედაგოგები, ადგილობრივი ხელისუფლების და რესურს ცენტრის წარმომადგენლები ესწრებოდნენ.

პროფესიული დღე პედაგოგებს, მუნიციპალიტეტის მერმა, გიორგი გოგლიჩიძემ, მოადგილემ ელგუჯა კვეტენაძემ, საკრებულოს თავმჯდომარემ, ვახტანგ ღამბაშიძემ და მაჟორიტარმა დეპუტატმა, შალვა კიკნაველიძემ მიულოცეს.

„მინდა ყველა პედაგოგს მივულოცო პროფესიული დღესასწაული. ჩვენი ქვეყნის წინსვლა და განვითარება სკოლიდან იწყება და ამაში უდიდესი წვლილი თქვენ მიგიძღვით. ზესტაფონის საგანმანათლებლო სფერო ყოველთვის იყო გამორჩეული პროფესიონალი და კვალიფიციური კადრებით. ვულოცავ ყველა პედაგოგს და წარმატებებს ვუსურვებ“, - განაცხადა ზესტაფონის მერმა გიორგი გოგლიჩიძემ.

ღონისძიების დასასრულს საჯარო და კერძო სკოლების წარმატებულ პედაგოგებს სიმბოლური საჩუქრები გადასცეს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში