წელს მანდატურის სამსახური 130 ახალ საჯარო სკოლაში შედის

საგანმანათლებლო დაწესებულების მანდატურის სამსახურის უფროსმა გელა გელაძემ ახლად დანიშნული მანდატურები მცხეთის რაიონის სოფელ წილკანის საჯარო სკოლის ადმინისტრაციას, პედაგოგებსა და მოსწავლეებს წარუდგინა.

როგორც „ინტეპრესნიუსს“ განათლების, მეცნიერების, კულტურისა და სპორტის სამინისტროდან აცნობეს, წილკანის სკოლა ერთ-ერთია იმ 20 ახალ საჯარო სკოლას შორის, სადაც მიმდინარე წლის ოქტომბრიდან მანდატურის სამსახური იქნება წარმოდგენილი. სექტემბერში მანდატურები უკვე შევიდნენ საქართველოს სხვადასხვა რეგიონის 54 საჯარო სკოლაში. წლის ბოლომდე, მანდატურის სამსახურის მომსახურებით, დამატებით, კიდევ 28 საჯარო სკოლა ისარგებლებს.

„ახლად დანიშნული მანდატურები კონკურსის წესით შეირჩნენ. უსაფრთხოების ახალი წესის თანახმად, მათ შსს-ს აკადემიაში ორთვიანი მოსამზადებელი კურსი გაიარეს.

მიმდინარე რეფორმისა და გაფართოების გეგმის თანახმად, სულ, 2019 წლის განმავლობაში, მანდატურის სამსახური 130 ახალ საჯარო სკოლაში შედის. მომავალ წელს მანდატურები, საქართველოს მასშტაბით, დამატებით, ამავე რაოდენობის სკოლაში იქნებიან წარმოდგენილნი“, - ნათქვამია სამინისტროს მიერ გავრცელებულ ინფორმაციაში.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს