აჭარაში წარმატებული პედაგოგები დააჯილდოვეს

აჭარის მთავრობის თავმჯდომარემ თორნიკე რიჟვაძემ პედაგოგებს მასწავლებლის საერთაშორისო დღე მიულოცა. პროფესიული დღესასწაულის აღსანიშნავად, ავტონომიური რესპუბლიკის საჯარო და კერძო სკოლების წარმატებულ პედაგოგებს აჭარის განათლების, კულტურისა და სპორტის სამინისტრომ უმასპინძლა. ამის შესახებ „ინტერპრესნიუსს“ აჭარის მთავრობიდან აცნობეს.

„მინდა ყველა მასწავლებელს მივულოცო პროფესიული დღე და მადლობა გადავუხადო თაობების წინაშე გაწეული ღვაწლისთვის. სახელმწიფომ განათლება მთავარ პრიორიტეტად დაისახა. ამ მნიშვნელოვანი იდეის განხორციელებაში უდიდესია მასწავლებლების როლი. ყველაფერი კეთდება იმისთვის რომ მასწავლებლის პროფესია სულ უფრო დაფასებული და პრესტიჟული გახდეს“, - განაცხადა რეგიონის ხელმძღვანელმა.

მათივე ინფორმაციით, წელს სპეციალურმა კომისიამ 35 მასწავლებელი გამოავლინა, რომლებმაც ბოლო სასწავლო წლის განმავლობაში პროფესიულ, შემოქმედებით საქმიანობასა და მომავალი თაობის აღზრდაში წარმატებებს მიაღწიეს. წლის შედეგებით საუკეთესო პედაგოგებს შორის ბათუმიდან -12, ხელვაჩაურიდან - 7, ქობულეთიდან -5, ხულოდან და შუახევიდან 4 - 4, ხოლო ქედიდან -3 პედაგოგი შეირჩა.

„დაჯილდოების ღონისძიებას აჭარის მთავრობისა და უმაღლესი საბჭოს თავმჯდომარეები დაწევრები, პოლონეთის ელჩი, საქართველოს განათლების მინისტრის მოადგილე, მუნიციპალიტეტის მერები და რესურსცენტრების ხელმძღვანელები დაესწრნენ.

წარმატებული პედაგოგების დაჯილდოების ცერემონია ყოველწლიურად იმართება“, - ნათქვამია ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს