ქვემო ქართლის პოლიციასთან შეკრებილების ინფორმაციით, მამაკაცს, რომელიც 5 ოქტომბერს  მტკვარმა გამორიყა, 30-მდე ჭრილობა აქვს მიყენებული

რუსთავში, მტკვრის ნაპირზე გუშინ ნანახი გარდაცვლილი მამაკაცის მეგობარი, გიორგი გეთაშვილი, ქვემო ქართლის სამხარეო პოლიციაში უკვე 17 საათის განმავლობაში იმყოფება. პოლიციასთან არიან შეკრებილი მისი ადვოკატი ალექსანდრე კობაიძე და ოჯახის წევრები, რომლებიც მასთან შეხვედრას ამ დრომდე მოითხოვენ.

გიორგი გეთაშვილის მეუღლის ლელა გეთაშვილის განცხადებით, გიორგის მეგობარი 1 ოქტომბერს დაიკარგა, გუშინ კი დაუკავშირდნენ და გვამის ამოცნობის მოტივით, რუსთავში წაიყვანეს. გეთაშვილის მეუღლე აცხადებს, რომ დავით მუმლაძის ცხედარი გუშინ მდინარე მტკვარმა რუსთავის ტერიტორიაზე გამორიყა, მას 30-მდე ჭრილობა აქვს მიყენებული. პოლიცია მას რამდენიმე დღის განმავლობაში ეძებდა და მისი მეუღლეც იქნა გამოკითხული.

"დავით მუმლაძემ ჩემს მეუღლეს დაურეკა 1-ელ ოქტომბერს - შენი ნახვა მინდაო. გიორგი მას შეხვდა, შემდეგ გაიყვანა გლდანში და ერთ-ერთი კორპუსის ეზოში დატოვა, ამის შემდეგ აღარ უნახავს", - აცხადებს ლელა გეთაშვილი.

ადვოკატ ალექსანდრე კობაიძის განცხადებით, მას პოლიციის შენობაში შესვლისა და გიორგი გეთაშვილთან შეხვედრის უფლებას არ აძლევენ და მხოლოდ იმას ეუბნებიან, რომ საგამოძიებო მოქმედებები მიმდინარეობს.

რუსთავში, მტკვარმა მამაკაცის ცხედარი 5 ოქტომბერს გამორიყა. როგორც დღეს გაირკვა, ის თბილისში მცხოვრები 36 წლის დავით მუმლაძეა.

იხილეთ ვიდეო:

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)