არჩილ თალაკვაძე ქუცნაშვილის განცხადებებზე ჩუგოშვილის მისამართით - ღიმილის გარეშე ასეთი ბრალდების დაშვებაც არ შეიძლება

ღიმილის გარეშე ასეთი ბრალდების დაშვებაც არ შეიძლება, თამარ ჩუგოშვილი ძლიერი ქალი პოლიტიკოსია, რომელსაც წარმატებული გამოცდილება აქვს და ვფიქრობ, წარმატებული მომავალიც, - ასე პასუხობს პარლამენტის თავმჯდომარე არჩილ თალაკვაძე "პალიტრანიუსის" გადაცემაში "360 გრადუსი" წამყვანის კითხვას, რომელიც თამარ ჩუგოშვილის მისამართით ყოფილი თანაგუნდელის ზაქარია ქუცნაშვილის მიერ წაყენებულ ბრალდებებს ეხება.

არჩილ თალაკვაძის თქმით, მას არ ახსენდება არც ერთი შემთხვევა, როდესაც ჩუგოშვილი საკითხს გულგრილად მოეკიდა.

"არ ვიცი, ცოტა ღიმილის მომგვრელია, რომ ამაზე კომენტარის გაკეთება მიწევს. ეს არის წარმოუდგენელი, ჩემი აზრით, უბრალოდ ღიმილის გარეშე ასეთი ბრალდების დაშვებაც არ შეიძლება, თამარ ჩუგოშვილი ძლიერი ქალი პოლიტიკოსია, რომელსაც წარმატებული გამოცდილება აქვს და ვფიქრობ, წარმატებული მომავალიც. გვეამაყება, რომ დღეს საპარლამენტო გუნდში გვყავს ძლიერი პოლიტიკოსი ქალები, მათ შორის თამარ ჩუგოშვილი. მე არ მახსენდება, ამ ორი სამი წლის განმავლობაში არც ერთი შეთხვევა, როდესაც თამარ ჩუგოშვილი საქმეს უპასუხისმგებლოდ მოეკიდა, ან სახელწიფოს ინტერესებს მოეკიდა გულგრილად, ან რომელიმე რისკი არ შეაფასა", - აცხადებს არჩილ თალაკვაძე შეკითხვაზე, რომლის მიხედვითაც, ზაქარია ქუცნაშვილი აცხადებს, რომ თამარ ჩუგოშვილს გავრილოვის ვიზიტის დეტალებზე, მათ შორის გავრილოვის მიერ სხდომის პარლამენტის თავმჯდომარის სავარძლიდან წაყვანის შესახებ ინფორმაცია ჰქონდა.

ინფორმაციისთვის, "ინტერპრესნიუსს" ზაქარია ქუცნაშვილი დაუკავშირდა და განაცხადა, რომ ჩუგოშვილის მისამართით მსგავსი განცხადება არასდროს გაუკეთებია და მხოლოდ იმას აცხადებს, რომ თამარ ჩუგოშვილი მართლმადიდებლობის საპარლამენტაშორისო ასამბლეის საქართველოში ჩატარების თაობაზე საქმის კურსში იყო.

იხილეთ ვიდეო

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება