დავით მუმლაძის მკვლელობაში ბრალდებულის ადვოკატი - ჩემი დაცვის ქვეშ მყოფს ამ საქმესთან კავშირი არ აქვს - ძალიან ბევრი ალიბი გვაქვს

რუსთავში 35 წლის დავით მუმლაძის, იგივე ზურა დადეშელის მკვლელობის საქმეზე დაკავებულებიდან ერთ-ერთის, გიორგი ასათიანის ადვოკატი, იოსებ ხარატიშვილი აცხადებს, რომ მისი დაცვის ქვეშ მყოფს აღნიშნულ მკვლელობასთან კავშირი არ აქვს. ხარატიშვილი ასევე იცავს ძებნაში მყოფ ზურაბ ჯღარკავასაც.

„ჩვენებები ერთმანეთის იდენტური არ არის, ისინი სხვადასხვა რამეს ჰყვებიან. ვერავინ დამაჯერებს, რომ ეს მკვლელობა პოლიციელებმა 4 000 ლარად, „ქურდული სამყაროს“ წევრების დაკვეთით დაგეგმეს. ბრალდებულის ჩვენების საფუძველზე არის ჩემი დაცვის ქვეშ მყოფი დაკავებული. იმ კაცის ჩვენებას, რომელსაც საფრთხე ემუქრება, არ შეიძლება დავეყრდნოთ. ჩემი დაცვის ქვეშ მყოფს ამ საქმესთან არანაირი კავშირი აქვს. როცა მან გაიგო, რომ ეს ამბავი მოხდა, ქორწილში იყო, დაჯდა მანქანაში და წამოვიდა თბილისში. ძალიან ბევრი ალიბი გვაქვს. ის თურქეთში არ წასულა. თუ მან ეს დანაშაული ჩაიდინა და გაიგო, რომ ეს საქმე „გასკდა", რატომ არ გაიქცა?", - განაცხადა ხარატიშვილმა.

რაც შეეხება ძებნაში მყოფ ზურაბ ჯღარკავას, როგორც მისი უფლებადამცველი აცხადებს, მსგავს სიტუაციაში არც ის გამოცხადდებოდა.

„როცა გაიგო, რომ სხვები დააკავეს, მის ადგილას მეც არ გამოვცხადდებოდი, სიტუაციის ბოლომდე გარკვევას დაველოდებოდი", - განაცხადა ხარატიშვილმა.

ამ წუთებში, რუსთავის საქალაქო სასამართლოში დავით მუმლაძის მკვლელობის საქმეზე დაკავებული 5 პირის აღკვეთის ღონისძიებაზე მსჯელობენ. დაკავებულების ადვოკატები მათი გირაოს სანაცვლოდ გათავოსუფლების შუამდგომლობას დააყენებენ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება