აჭარის უმაღლესი საბჭოს წევრების ვიზიტი ბრიუსელში გრძელდება

აჭარის ავტონომიური რესპუბლიკის უმაღლესი საბჭოს ფრაქცია "ქართული ოცნება - აჭარის" თავმჯდომარის დავით ბაციკაძისა და დამოუკიდებელი დეპუტატის, პეტრე ზამბახიძის ვიზიტი ბრიუსელში გრძელდება. საკანონმდებლო ორგანოს წევრები ევროპის რეგიონებისა და ქალაქების კვირეულში მონაწილეობენ.

როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს, ევროკომისიის მიერ ორგანიზებული კვირეულის ფარგლებში დავით ბაციკაძე სლოვაკეთის პრაშოვის რეგიონის მთავრობის თავმჯდომარეს - მილან მაერსკასა და პრაშოველ დეპუტატებს შეხვდა. მხარებმა სამომავლო თანამშრომლობის პერსპექტივები განიხილეს. დავით ბაციკაძემ მილან მაერსკა და სლოვაკი კანონმდებლები, ავტონომიური რესპუბლიკის მთავრობის თავმჯდომარის სახელით, აჭარაში მოიწვია რეგიონის უკეთ გაცნობისა და თანამშრომლობის გაღრმავების მიზნით.

ფრაქცია „ქართული ოცნება - აჭარის“ თავმჯდომარე, ვიზიტის ფარგლებში, ასევე შეხვდა რონალდ როედლს, რომელიც ევროპის რეგიონების კომიტეტში ავსტრიის შტირიის მიწის წარმომადგენელია. შეხვედრაზე საქართველო-ავსტრიას შორის რეგიონული ურთიერთობების გაღრმავებაზე გამახვილდა ყურადღება

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს