თურქეთის პრეზიდენტმა, რეჯეფ თაიფ ერდოღანმა და მისმა რუსმა კოლეგამ, ვლადიმერ პუტინმა, სატელეფონო საუბრის დროს, სირიის ჩრდილო-აღმოსავლეთით დაგეგმილი ოპერაცია და უსაფრთხოების ზონის საკითხები განიხილეს. ამის შესახებ ინფორმაციას თურქული მედია ავრცელებს.
მათივე ცნობით, თურქეთის პრეზიდეტმა რუს კოლეგასთან სირიელი ხალხის ინტერებისა და უფლებების დაცვაზე ისაუბრა.
ერდოღანის თქმით, თურქეთი აფასებს რუსეთის საკითხისადმი კონსტრუქციულ მიდგომას.
შეგახსენებთ, თურქეთი სირიის ჩრდილო-აღმოსავლეთით სამხედრო ოპერაციისთვის ემზადება, რომელიც ქვეყნის საზღვრებთან უსაფრთხოების ზონის შექმნას გულისხმობს.