ნიკა მელიას საქმის პროკურორი - საქმეში  არის პირდაპირი მტკიცებულებები, ვიდეოჩანაწერები, სადაც მოწოდებებია

თბილისის საქალაქო სასამართლოში, ნიკა მელიას ბრალდების საქმეზე წინასასამართლო სხდომა მიმდინარეობს. პროცესზე მხარეები მტკიცებულებების დასაშვებობაზე მსჯელობენ.

როგორც სხდომის დაწყებამდე პროკურორმა დავით ნეფარიძემ ჟურნალისტებს განუცხადა, მხარეები სასამართლოს წარუდგენენ იმ მასალებს, რაც გამოძიების ეტაპზე მოიპოვეს და რის წარდგენას და გამოკვლევას, შემდგომ უკვე არსებითი განხილვის სხდომაზე აპირებენ.

მისი თქმით, ბრალდების მხარეს მოპოვებული აქვს არაერთი მტკიცებულება, მათ შორის მოწმეთა ჩვენებები, საგამოძიებო მოქმედებათა ოქმები, ვიდეოჩანაწერები, ასევე ექსპერტიზის დასკვნები.

„საქმეშია პირდაპირი მტკიცებულებები, ვიდეოჩანაწერები, სადაც არის მისი მოწოდებები, ასევე მისი მოქმედებები და მისი მოქმედებებით და მოწოდებებით გამოწვეული სხვა პირების ქმედებებიც", - განაცხადა ნეფარიძემ.

პროკურორის განმარტებით, საქმეში პოლიციელების ჩვენების გარდა სხვა ჩვენებებიც დევს. მისი თქმით, რას ყვებიან ეს ადამიანები ჩვენებებში, შინაარსის თაობაზე ვერ ისაუბრებს. პროკურორის თქმით, დღეს სასამართლო იმსჯელებს იმაზე რამდენად კანონიერადაა მოპოვებული ეს მტკიცებულებები, ასევე იმსჯელებს არსებით სხდომაზე მათ გადაცემის საკითხზე.

„ისინი ადასტურებენ პარლამენტის წინ განვითარებულ მოვლენებს, რაც ასახულია, როგორც სხვადასხვა ტელეკომპანიების მიერ გადაღებულ ვიდეომასალაში, ასევე მათ ჩვენებებში", - განაცხადა ნეფარიძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს