არჩილ თალაკვაძე - საპარლამენტო ზედამხედველობა დემოკრატიული კონტროლის მნიშვნელოვანი პირობაა და მას პარლამენტის 10 მთავარ გამოწვევაში განსაკუთრებული ადგილი უკავია - პარლამენტი მუშაობს ამ მიმართულებით

„საპარლამენტო კონტროლი რიცხვებში“ - საქართველოს პარლამენტის თავმჯდომარის მიერ დაანონსებული პარლამენტის 10 გამოწვევის ფარგლებში ერთ-ერთი, საზედამხედველო საქმიანობის გეგმა პარლამენტის პირველმა ვიცე-სპიკერმა თამარ ჩუგოშვილმა წარადგინა. ამის შესახებ „ინტერპრესნიუსს“ პარლამენტიდან აცნობეს.

პრეზენტაცია მისასალმებელი სიტყვით პარლამენტის თავმჯდომარემ არჩილ თალაკვაძემ გახსნა.

„ერთი თვის წინ, ჩვენ წარმოგიდგინეთ პარლამენტის ათი მთავარი გამოწვევა, ათი მთავარი სამუშაო საკითხი, რომელზეც პარლამენტი მუშაობს. დღეს გაგაცნობთ, თუ რის გაკეთებას გეგმავს საქართველოს პარლამენტი ზედამხედველობის მიმართულებით საშემოდგომო სესიაზე“, - განაცხადა საქართველოს პარლამენტის თავმჯდომარემ არჩილ თალაკვაძემ.

პარლამენტის თავმჯდომარის პირველმა მოადგილემ თამარ ჩუგოშვილმა, საზოგადოებას პარლამენტის მიერ გაცხადებული 10 გამოწვევიდან ერთ-ერთის, საპარლამენტო კონტროლის მიმართულებით 2019 წლის ბოლომდე დაგეგმილი ღონისძიებების გეგმა წარუდგინა.

„მიუხედავად იმისა, რომ 10 გამოწვევაში მხოლოდ ერთი კომპონენტი აქვს დათმობილი საპარლამენტო კონტროლს, საქმის და ჩასატარებელი სამუშაოს თვალსაზრისით, საპარლამენტო საქმიანობის დატვირთვის თითქმის ნახევარი მიაქვს - საპარლამენტო კონტროლს. მასშტაბი ჩასატარებელი სამუშაოებისა არის ძალიან დიდი. საკანონმდებლო საქმიანობასთან ერთად, ძალიან მნიშვნელოვანია პარლამენტის საზედამხედველო ფუნქციაც, რათა მოქალაქეებს ჰქონდეთ სრული ინფორმაცია თუ როგორ მუშაობს აღმასრულებელი ხელისუფლება, რამდენად ეფექტურად საქმიანობს თითოეული სამინისტრო, როგორ იხარჯება ბიუჯეტი და ჩვენს მიერ გადახდილი გადასახადები“, - განაცხადა თამარ ჩუგოშვილმა.

მათივე ინფორმაციით, პარლამენტი აგრძელებს ათ მთავარ გამოწვევაზე მუშაობას და საშემოდგომო სესიის განმავლობაში საზოგადოებას გააცნობს იმ შედეგებს და ღონისძიებებს, რომელსაც ამ გამოწვევების საპასუხოდ საქართველოს პარლამენტი გააკეთებს.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება