არქიმანდრიტ კირიონის განცხადებით, პრემიერის მიერ გაჟღერებული ინფორმაცია, რომ სასულიერო პირებს დავით გარეჯში ყველა მონასტრამდე მისვლა შეეძლებოდათ, ზუსტი არ არის

თუ რაიმე შეიცვალა, არის ის, რომ სასულიერო პირს შეუძლია ავიდეს აღდგომის ტაძართან, - ამის შესახებ დავით გარეჯის მამათა მონასტრის არქიმანდრიტმა კირიონმა (ონიანი) „ინტერპრესნიუსს“ განუცხადა.

მან დაადასტურა ინფორმაცია, რომ ქართველი სასულიერო პირებისთვის ამ დროისთვის მხოლოდ დავით გარეჯის სამონასტრო კომპლექსის ტერიტორიაზე მდებარე აღდგომის ტაძრამდე მისვლაა შესაძლებელი.

„აქამდე, ვთქვათ, პირადად მე ავდიოდი აღდგომის ტაძართან, მაგრამ სხვა სასულიერო პირები ვერ ადიოდნენ. შეიცვალა ის, რომ აღდგომის ტაძართან, რომელიც არის დაახლოებით მოშორებული უდაბნოს მონასტრიდან 100 მეტრით, ცალკე გორაკზე დგას, იქ სასულიერო პირი უკვე მივა, მაგრამ უდაბნოს მონასტერი, როგორც დაკეტილი იყო მთლიანად, ისეა დაკეტილი დღესაც. ამ მხრივ რეალობა არ შეცვლილა. ჩიჩხიტურზე საერთოდ, საუბარიც არ არის. თუ რაიმე შეიცვალა, არის ის, რომ მხოლოდ სასულიერო პირს შეუძლია ავიდეს აღდგომის ტაძართან, მივიდეს და წამოვიდეს. მაგალითად, დასავლეთ კედელს თვლიან, რომ თავის მხარეზეა და დასავლეთ კედელთან წრეს ვერ შემოვუვლით ტაძარს“, - განაცხადა არქიმანდრიტმა კირიონმა.

მისივე თქმით, ამ მხრივ არ არის ზუსტი პრემიერ-მინისტრის განცხადება, რომ სასულიერო პირებს დავით გარეჯის სამონასტრო ტერიტორიაზე მდებარე ყველა ტაძართან მისვლა შეეძლებოდათ.

„ეს ინფორმაცია არ არის ზუსტი. მხოლოდ და მხოლოდ აღდგომის ტაძართან ხდება სასულიერო პირების მისვლა“, - აღნიშნა არქიმანდრიტმა.

ცნობისთვის, ბაქოში ვიზიტის შემდეგ, პრემიერმა გიორგი გახარიამ განაცხადა, რომ 11 ოქტომბრიდან ქართული სამღვდელოებისთვის დავით გარეჯის კომპლექსის ფარგლებში არსებული ეკლესიები გაიხსნებოდა.

იხილეთ ვიდეო: პრემიერის ინფორმაცია, რომ სასულიერო პირებს დავით გარეჯში ყველა მონასტრამდე მისვლა შეეძლებოდათ, ზუსტი არ არის - არქიმანდრიტი კირიონი

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!