ნინო ლომჯარია - ვერ ვასწავლი ჭკუას, რა ტერმინოლოგიით უნდა ისაუბრონ იუსტიციის საბჭოს წევრებმა - მე პასუხისმგებლობას ვიღებ თითოეულ სიტყვაზე, რაც ომბუდსმენის ანგარიშშია

პასუხისმგებლობას ვიღებ თითოეულ სიტყვაზე, თითოეულ შეფასებაზე, რაც სახალხო დამცველის ანგარიშშია მოყვანილი, - ასე ეხმაურება სახალხო დამცველი, ნინო ლომჯარია იუსტიციის უმაღლეს საბჭოში გაჟღერებულ კრიტიკას, რომ სახალხო დამცველმა თავის ანგარიშში მოსამართლე გიორგი ტყავაძის განათლების ხარისხთან დაკავშირებით ცრუ ინფორმაციები ასახა.

ომბუდსმენი მოსამართლეებს ურჩევს, უსაფუძვლო კრიტიკის და მათთვის შეუფერებელი ლექსიკით საუბრის ნაცვლად, არგუმენტებით ისაუბრონ.

„მე ვერ ვასწავლი ჭკუას, როგორ და რა ტერმინოლოგიით უნდა ისაუბრონ იუსტიციის უმაღლესი საბჭოს წევრებმა, თუმცა თითოეულ სიტყვაზე, თითოეულ შეფასებაზე, რაც ამ ანგარიშშია მოყვანილი, მე ვიღებ პასუხისმგებლობას. უმჯობესი იქნება, მოსამართლისათვის შეუფერებელი ლექსიკით და ტერმინოლოგიით საუბრის ნაცვლად, ვისაუბროთ არგუმენტაციით და დავუპირისპიროთ ამ დასკვნას საკუთარი არგუმენტაცია. ეს იქნებოდა ჩემი რჩევა მათდამი", - აღნიშნა ლომჯარიამ.

ცნობისთვის, იუსტიციის უმაღლესი საბჭოს მოსამართლე წევრმა დიმიტრი გვრიტიშვილმა საბჭოს დღევანდელ სხდომაზე სახალხო დამცველის ანგარიში გააკრიტიკა, რომელიც უზენაესი სასამართლოს მოსამართლეების შესარჩევ პროცედურას ეხება.

როგორც დიმიტრი გვრიტიშვილმა აღნიშნა, ანგარიშში მოსამართლე გიორგი ტყავაძესთან და მისი განათლების ხარისხთან დაკავშირებით ფაქტობრივი უზუსტობაა. მისი თქმით, „საქმე გვაქვს ფაქტების მიჩქმალვასთან, ფაქტების დამახინჯებასთან და მიზანმიმართულად მოსამართლის დისკრედიტაციასთან."

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა