16 წლის შვედი მოსწავლის, გრეტა თუნბერგის ინიციატივას მხარდაჭერა საქართველოს ასმა სკოლამ გამოუცხადა

16 წლის შვედი მოსწავლის, გრეტა თუნბერგის ინიციატივას - „ავუმაღლოთ მსოფლიოს ცნობიერება კლიმატის დაცვის თაობაზე” - მხარდაჭერა საქართველოს ასმა სკოლამ გამოუცხადა.

გლობალურ აქციას სახელწოდებით, „პარასკევი მომავლისთვის" ქართული სკოლების პედაგოგები და მოსწავლეები შეუერთდნენ.

„პარასკევი მომავლისთვის“ იდეის გარშემო გაერთიანებულმა მოსწავლეებმა, კლიმატის დაცვის თემაზე შექმნილი ნამუშევრები წარმოადგინეს და ამით შეეცადნენ მსოფლიოსთვის დაენახებინათ, რომ მომავალი თაობა მხარს უჭერს 16 წლის შვედი მოსწავლის ინიციატივას.

საქართველოში „პარასკევი მომავლისთვის“ აქციის გამართვის იდეის ავტორი მასწავლებელთა პროფესიული განვითარების ცენტრის გეორაფიის ტრენერ-კონსულტანტი მაია ბლიაძე იყო. გლობალურ აქციაში „პარასკევი მომავლისთვის“ პირველიდან-მეთორმეტე კლასის მოსწავლეები ჩაერთნენ. "პალიტრანიუსთან" ინტერვიუში სერვანტესის სახელობის გიმნაზია "აია-ჯესს"-ის გეოგრაფიის მასწავლებელი მარინა ხარიტონაშვილი აღნიშნავს, რომ პრობლემებმა, რომლის წინაშეც დღეს დედამიწა დგას, შეიძლება მსოფლიო დიდ კატასტროფამდე მიიყვანოს, ამიტომ მსგავს ინიციატივებში ჩართულობა ყველასათვის მნიშვნელოვანია.

„ყველა გეოგრაფს მიეწოდა სლოგანი, თუ რა აზრის ხართ გრეტას წამოწყების იდეაზე. მოგეხსენებათ, მსოფლიოში ეს უკვე ძალიან პოპულარული თემა გახდა და თუნდაც ის, რომ 16 წლის გოგონამ დაიწყო გლობალური აქცია, რომ ყველა რაღაც დონეზე ჩაერთოს და თავის წვლილი შეიტანოს მსოფლიოს გლობალური პრობლემის გადაწყვეტის თაობაზე, რა თქმა უნდა, ყველა მხარს დაუჭერდა. დღეს და ხვალ შეიძლება ვერ დავინახოთ ცვლილება, მაგრამ იმ პრობლემამ, რომლის წინაშეც რეალურად დედამიწა დგას, შეიძლება, 50 წელიწადში ძალიან დიდი კატასტროფა მოიტანოს. ასე რომ, ჩვენც გადავწყვიტეთ ამ აქციას შევუერთდეთ“, - განაცხადა სერვანტესის სახელობის გიმნაზია „აია-ჯესს“-ის გეოგრაფიის პედაგოგმა, მარინა ხარიტონაშვილმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება