„გორის დღის“ დღესასწაულზე ტრადიციულად ქალაქის საპატიო მოქალაქეების დაჯილდოების ცერემონიალი გაიმართა. აღნიშნულ ინფორმაციას გორის მერია ავრცელებს. მათივე ცნობით, ღონისძიებას გიორგი ერისთავის სახელობის სახელმწიფო დრამატულმა თეატრმა უმასპინძლა.

„საპატიო გორელი წელს სხვადასხვა სფეროში მოღვაწე 15 ადამიანს მიენიჭა. აღნიშნული ტიტული მიენიჭა მშენებელ ვახტანგ ყანჩაველს, პედაგოგებს სესილი ხუციშვილსა და ცირა ჯაჯანიძეს, ეთნოგრაფიული მუზეუმის დირექტორს თინათინ სოსანიძეს, მწერალ ვაჟა შაქარაშვილს, სპორტსმენს თენგიზ ხუბულურს, გორის უნივერსიტეტის რექტორს, პროფესორ გიორგი სოსიაშვილს, კულტურის განყოფილების ხემძღვანელს რობერტ მაღლაკელიძეს, სპორტის ოსტატსა და მწერალს გერონტი გოგინაშვილს, კულტურის მოღვაწეს დავით ქიტიაშვილს, ექიმს გურამ მაჩაიძეს, სპორტის დამსახურებულ ოსტატს სევერიან ქარელს, ვეტერან ფეხბურთელს ჯემალ რაზმაძეს, ძეგლთმცოდნე პაატა ბესტავაშვილს და შინდისელ ელექტრიკოსს, რომელიც აგვისტის ომის დროს მხარში დაუდგა შინდისის გმირებს - ბადრი ხუციშვილს.

საპატიო მოქალქეებს დიპლომები მეუფე ანდრიამ, მეუფე ისაიამ, ადგილობრივი და ცენტრალური ხელისუფლების წარმომადგენლებმა გადასცეს. დაჯილდოების ცერემონიალი კონცერტით გაგრძელდა, რომელშიც გორის ქალთა კამერული გუნდი, გორის გოგონათა გუნდი და ანსამბლი „გორი“ მონაწილეობდნენ“, - აღნიშნულია გორის მერიის მიერ გავრცელებულ ინფორმაციაში.