არ მაქვს იმის მოლოდინი, რომ ბოკერიას ოდესმე ვინმესთან დაკავშირებით ამნისტიის გადაწყვეტილების მიღება მოუწევს, - ამის შესახებ პარლამენტის პირველმა ვიცე - სპიკერმა თამარ ჩუგოშვილმა ჟურნალისტებს ბიუროს სხდომის შემდეგ განუცხადა და „ევროპული საქართველოს“ ინიციატივას, ამნისტიის დაანონსებასთან დაკავშირებით ტაქტიკური სვლა უწოდა.

„მე როგორც ვხვდები, „ევროპული საქართველო“ აცნობიერებს, რომ რადიკალური პოლიტიკის გაგრძელება, რომელსაც „ნაციონალური მოძრაობა“ ახორციელებს, მათთვის ელექტორალურად არის წამგებიანი და ისინი ცდილობენ, რომ თავიანთი ამომრჩეველი გამოკვეთონ და ეს ამომრჩეველი „ნაციონალური მოძრაობის“ ამომრჩევლისგან განსხვავდება. ჩემი აზრით, ეს არის მათი გარკვეული ტაქტიკური ნაბიჯი, თუმცა, იმის მოლოდინი, რომ ბოკერიას ოდესმე მოუწევს ვინმესთან დაკავშირებით ამინისტიის გადაწყვეტილების მიღება, არ მაქვს ნამდვილად, იმიტომ, რომ მე ის ვერ წარმომიდგენია ხელისუფლებაში“, - განაცხადა თამარ ჩუგოშვილმა.