სიღნაღის მუნიციპალიტეტში მოსახლეობასთან შეხვედრები გრძელდება. ამის შესახებ „ინტერპრესნიუსს“ სიღნაღის მერიიდან აცნობეს.

მათი ინფორმაციით, კახეთის მხარის სახელმწიფო რწმუნებული ირაკლი ქადაგიშვილი, სიღნაღი-დედოფლისწყაროს მაჟორიტარი დეპუტატი ირაკლი შიოლაშვილი და მუნიციპალიტეტის მერი გიორგი გოგილაშვილი სოფელ ერისიმედს, ასევე, ხირსას, ხორნაბუჯსა და ძველი ანაგას ესტუმრნენ და მოსახლეობასთან დიალოგი გამართეს.

„რეგიონული და ადგილობრივი თვითმმართველობის წარმომადგენლებმა მოქალაქეებს შეხვედრის ფორმატი გააცნეს და მათი საჭიროებები პირადად მოისმინეს. შეხვედრის მიზანი მოსახლეობის საჭიროებეზე მორგებული ბიუჯეტის დაგეგმვაა. მოსახლეობამ პრიორიტეტულ საკითხებად საგზაო ინფრასტრუქტურის მოწესრიგება და წყალმომარაგების გაუმჯობესება დაასახელა,“ - ნათქვამია ინფორმაციაში.