"ეიპიემ ტერმინალს ფოთში" პროფესიული განვითარების პროგრამა "ინპორტ STEM-ის” მესამე ნაკადი დასრულდა. ტალანტების მოზიდვისა და განვითარების პროგრამა “ინპორტი” პირველად 2017 წელს განხორციელდა, წელს კი მისი ფოკუსი ძირითადად პროფესიულ და ტექნიკურ (STEM) განათლებას მიემართებოდა.
როგორც „ინტერპრესნიუსს“ კომპანია „ეიპიემ ტერმინალსიდან’’ აცნობეს, პროგრამაში ივლისიდან 10 მონაწილე ჩაერთო, რომლებმაც ფოთის საზღვაო ნავსადგურში სამთვიანი პრაქტიკული სტაჟირება გაიარეს.
მათივე ინფორმაციით, პროგრამა განსაკუთრებით მნიშვნელოვანი წამოწყებაა ადგილობრივი ახალგაზრდებისა და განსაკუთრებით გოგონებისთვის, რომლებიც არსებული სტერეოტიპული შეხედულებების გამო შესაძლოა ამ დრომდე სრულად ვერ იყენებდნენ თავიანთ შესაძლებლობებს.