სახელმწიფო უსაფრთხოების სამსახურის უფროსად გრიგოლ ლილუაშვილის კანდიდატურის კენჭისყრის პროცესში დამოუკიდებელი დეპუტატი ეკა ბესელია მონაწილეობას არ მიიღებს. როგორც მან განაცხადა, პასუხისმგებლობას საკუთარ თავზე ვერ აიღებს, იმის მიუხედავად, რომ გრიგოლ ლილუაშვილს საპარლამენტო საქმიანობიდან კარგად იცნობს და ამ კუთხით დადებითადაც აფასებს. თუმცა, როგორც დეპუტატი განმარტავს, როცა არჩევანი მის კანდიდატურაზე შეჩერდა, გადამწყვეტი ფაქტორი აქ ბიძინა ივანიშვილის მიმართ ერთგულება იყო.
„ოპოზიციური როლიდან ასეთ საკითხზე გადაწყვეტილების მიღების დროს, ძალიან მნიშვნელოვანია იმის გააზრება, რაც მოჰყვება ამ გადაწყვეტილებას. ამიტომ მე თავს შევიკავებ და არ მივიღებ მინაწილეობას. ამ სამსახურის მუშაობასთან დაკავშირებით არის გარკვეული კრიტიკული პოზიციები. მე დღეს არ ვარ ხელისუფლების ნაწილი და ამ კენჭისყრით ამაზე პასუხისმგებლობას ვერ ავიღებ“, - განაცხადა ეკა ბესელიამ.